二手樓需要檢驗嗎?

二手樓需要檢驗嗎?

有好多人都會問,二手樓需要檢驗嗎? 驗到有問題,上一手業主要負責或可以追討賠償? 另外最好驗樓時機係幾時?


驗樓目的

首先要攪清楚點解要驗先, 驗樓主要目的係幫你搵到單位會唔會有咩問題,而哩啲問題,有機會導致入住後產生其它問題或難以解決追行維修.


追討問題

而追討方面,一般難於進行, 點解? 因二手樓一般為現況買入, 即假定你買入時已清楚單位所有問題,並同意買入, 除非你另外有同上一手業住有協議(例如業主話, 住宅一定無漏水, 如果發現有,可以搵返佢,當然首要係你有同佢白紙黑字簽訂咗協議, 追討機會先會增大).


驗樓時機

咁咩時候進行驗樓會好啲? 當然係未簽訂任何文件時進行會最好, 但大多數都業主都唔會同意你咁做,另一方面, 就算同意比你做,但做完佢又反口唔賣比你, 咁你點算. 


另外, 最好驗樓時機, 會係喺清走晒上一手或唔會要啲雜物離屋, 之後再搵人驗係最好, 因有啲位比傢俬阻到(例如吊櫃背牆身), 會有機會驗唔到.


驗樓心態

如果你心態係想入住前, 攪好晒單位內啲問題, 再搬傢俬入住, 咁就無問題. 但如果係希望可以搵上手業主負責或追討, 咁最好驗樓前搵律師問問意見先.


常見問題

而二手樓一般會有咩問題? 嚴重啲會係電器老化(供電系統), 牆身漏水/滲水,去水系統出現問題(造成淤塞)或其它個別問題(例如牆身鋼根生銹),哩啲都可能需要大地方比師方安排維修,如果已經入晒傢俬再發現, 問題相對會比較麻煩.



More From The Blog